ಗಣಿತದ ಇತಿಹಾಸ

ಗೋಕರ್ಣ ಮಠ ಪರಂಪರೆಯ ಆರನೇಯ ಯತಿವರ್ಯ ಶ್ರೀ ರಾಮಚಂದ್ರ ತೀರ್ಥ ಶ್ರೀಪಾದ ವಡೇರ ಸ್ವಾಮಿಜೀಯವರಿಗೆ ದೈವಿ ಸೂಚನೆಯಂತೆ ಗೋಕರ್ಣಮಠದ ಹಿಂಬಾಗದಲ್ಲಿ ಶೋಧ ಕಾರ್ಯ ನಡೆಸುತಿದ್ದಾಗ ಶಿಲಾಗರ್ಭದಲ್ಲಿ ವಿಶ್ವಕರ್ಮನಿರ್ಮಿತ ಶ್ರೀರಾಮ ಲಕ್ಷ್ಮಣ ಸೀತಾ ಮತ್ತು ಶ್ರೀ ಮಾರುತಿ ಹೀಗೆ ನಾಲ್ಕು ಪ್ರತಿಮೆಗಳು ದೊರಕಿದವು. ಇವುಗಳನ್ನು ಸ್ಥಾಪಿಸುವ ಬಗ್ಗೆ ಚಿಂತನೆ ನಡೆಸುತ್ತಿದ್ದಾಗ ಈ ಶಿಲಾ ಮೂರ್ತಿಗಳನ್ನು ಹೊತ್ತ್ತು ಕೊಂಡು ಉತ್ತರ ದಿಕ್ಕಿಗೆ ಪ್ರಯಾಣಿಸುವಂತೆ ಮತ್ತು ಎಲ್ಲಿ ಮೂರ್ತಿವಾಹಕರಿಗೆ ಪ್ರತಿಮೆಗಳು ಭಾರವೆನಿಸುವದೋ ಅಲ್ಲಿಯೇ ಅವುಗಳನ್ನು ಪ್ರತಿಷ್ಠಾಪಿಸುವಂತೆ ದೈವಿ ಸೂಚನೆಯಾಯಿತು. ಅದೇ ಸೂಚನೆಯಂತೆ ಶಿಲಾಪ್ರತಿಮೆಗಳೊಂದಿಗೆ ಉತ್ತರ ದಿಕ್ಕಿಗೆ ಪ್ರಯಾಣ ಬೆಳೆಸಿದರು. ಶ್ರೀಕ್ಷೇತ್ರ ಗೋಕರ್ಣದಿಂದ ಹೊರಟು ಕಾರವಾರ ಮಾರ್ಗವಾಗಿ ಮಾಶೆ, ಪೈಂಗಿಣಿಗೆ (ಪೈಂಗಿ ಋಷಿಯ ಆಶ್ರಮಕ್ಕೆ) ರಾತ್ರಿ ಬಂದು ತಲುಪಿದಾಗ ಮೂರ್ತಿವಾಹಕರಿಗೆ ಪ್ರತಿಮೆಗಳು ಭಾರವೆನಿಸಿದವು. ಆದರೆ ಆ ಸ್ಥಳದಲ್ಲಿ ನೀರಿನ ಆಸರೆ ಇಲ್ಲದಿರುವದರಿಂದ ಹೇಗೆ ಮಠ ನಿರ್ಮಾಣ ಮಾಡುವದು ಎಂಬ ಚಿಂತೆಯಲ್ಲಿರುವಾಗ ರಾತ್ರಿ ಆವರಿಗೆ ದೈವಿ ಸೂಚನೆಯಾಯಿತು. ಮರುದಿನ ಬೆಳಿಗ್ಗೆ ಶ್ರೀಗಳವರು ಮುಕ್ಕಾಮ ಮಾಡಿದ ಸ್ಥಳಕ್ಕೆ ಧೇನುವು ಬರಲಿದೆ. ಅದನ್ನು ಪೂಜಿಸಿ ಯೋಗ್ಯ ಸ್ಥಳವನ್ನು ತೋರಿಸುವಂತೆ ಪ್ರಾರ್ಥಿಸುವದು ಆಗ ಆ ಧೇನುವು ಯೋಗ್ಯಮಾರ್ಗದರ್ಶನ ಮಾಡುವದು. ಎಲ್ಲಿ ಧೇನುವು ಕ್ಷೀರಧಾರೆಯನ್ನು ಸ್ರವಿಸುವದೋ ಅಲ್ಲಿಯೇ ಮೂರ್ತಿಯನ್ನು ಪ್ರತಿಷ್ಟಾಪಿಸುವದು ಎಂಬ ಸೂಚನೆಯಾಯಿತು. ಅದರಂತೆ ಮರುದಿನ ಮುಂಜಾವಿನಲ್ಲಿ ಧೇನುವು ಪ್ರತ್ಯಕ್ಷವಾಗಿದ್ದು ಅದನ್ನು ಪೂಜಿಸಿ ಪ್ರಾರ್ಥಿಸಿಕೊಂಡಾಗ ತನ್ನೊಂದಿಗೆ ಬರುವಂತೆ ಸೂಚಿಸಿ ಬೆಟ್ಟಗುಡ್ಡಗಳನ್ನು ಹತ್ತಿ ಇಳಿಯುತ್ತಾ ಇಕ್ಕಟ್ಟಾದ ಅರಣ್ಯಮಾರ್ಗವಾಗಿ ಉತ್ತರದಿಕ್ಕ್ಕಿಗೆ ಹೊರಟಿತು. ಅದರ ಹಿಂದೆಯೆ ಶ್ರೀಗಳವರು ಪರಿವಾರಸಹಿತ ಮೂರ್ತಿವಾಹಕರೊಂದಿಗೆ ಹಿಂಬಾಲಿಸಿದರು. ಹಾಗೆ ಮುಂದುವರಿಯುತ್ತಾ ಪರ್ವತ ಕಾನನದಿಂದ ಕೂಡಿದ ರಮಣೀಯ ಪ್ರದೇಶದ ಸಮುದ್ರಗಾಮಿನಿ ಈಶಾನ್ಯಪ್ಲವಾ ಕುಶಾವತಿ ನದಿತೀರದಲ್ಲಿ ಧೇನುವು ಕ್ಷೀರಧಾರೆಯನ್ನು ಸ್ರವಿಸಿತು. ಅಲ್ಲಿಯೇ ಶ್ರೀಗಳವರು ಶ್ರೀ ರಾಮ, ಲಕ್ಷ್ಮಣ ಮತ್ತು ಸೀತೆಯರ ಶಿಲಾ ಪ್ರತಿಮೆಗಳನ್ನು ಸ್ಥಾಪಿಸಿದರು. ಹೀಗೆ ಶ್ರೀ ರಾಮಚಂದ್ರ ತೀರ್ಥ ಸ್ವಾಮಿಜಿಯವರು ಶಕೆ ೧೫೭೮ ದುರ್ಮುಖಿ ಸಂ. (ಕ್ರಿಸ್ತಶಕ ೧೬೫೬) ಮಠಸ್ಥಾಪಿಸಿದ ಈ ಪರ್ವತ ಕಾನನಗಳಿಂದ ಕೂಡಿದ ಪ್ರದೇಶವು ಮುಂದೆ ಪರ್ತಗಾಳಿಯೆಂದು ಪ್ರಸಿದ್ದಿಗೊಂಡಿತು. ಮುಂದೆ ಧೇನುವು ಮತ್ತೆ ಉತ್ತರ ದಿಕ್ಕಿಗೆ ಪ್ರಯಾಣಿಸಲು ಅದನ್ನು ಹಿಂಬಾಲಿಸಲು ಆ ಧೇನುವು ಋಷಿವನದಲ್ಲಿ (ಈಗಿನ ರೀವಣ)ದಲ್ಲಿ ಮತ್ತೊಮ್ಮೆ ಕ್ಷೀರಧಾರೆಯನ್ನು ಸ್ರವಿಸಿತು. ಶ್ರೀಗಳು ದೈವಿ ಸಂದೇಶದಂತೆ ಗೋಕರ್ಣದಲ್ಲಿ ಸಿಕ್ಕಿದ ಮಾರುತಿ ವಿಗ್ರಹವನ್ನು ಅಲ್ಲಿ ಸ್ಥಾಪಿಸಿದರು. ಕಾಲಾಂತರದಲ್ಲಿ ಅಲ್ಲಿ ಒಂದು ಶಾಖಾಮಠವನ್ನು ಸ್ಥಾಪಿಸಿದರು.